Жаңалықтар

Домбыра күніне арналған «Домбыра – асыл мұра» тақырыбында жыр сағатын өтті.

Жетісу облысының С.Сейфуллин атындағы орталық кітапханасының зағип және нашар көретін азаматтарға арналған бөлімі «Қазақ зағиптар қоғамы» қоғамдық бірлестігі Жетісу оқу өндірістік кәсіпорнына қарасты тігін цехында Домбыра күніне арналған «Домбыра – асыл мұра» тақырыбында жыр сағатын өткізді. Шараның мақсаты: қазақтың ұлттық аспабы – киелі домбыраны дәріптеу, домбыраға құрметпен қарау, домбыра үнінің құдіретін сезіну, ұлттық аспапты ұрпақтан-ұрпаққа жалғастыру. Шара барысында Кітапхананың тұрақты оқырманы өнерпаз, Дәуен Алғысбек тігін цехындағы жұмысшыларға өз өнерін көрсетті. Алғысбек домбырамен өзінің кең диапазонды дауысында бірнеше әндер шырқап, тыңдаушыларын тәнті етті. Домбыраның күмбірлеген үні тігін цехын ерекше шаттыққа бөледі. Цех жұмысшылары домбыра күніндегі шараны өздеріне тартылған сый деп сезінді. Домбыра үнінің құдіретіне, Дәуен Алғысбекке, шараны ұйымдастырушы кітапхана ұжымына ризашылықпен, алғыс сезімдерін білдірді.
Толығырақ... Оқылды: 142 Санат: Жаңалықтар Уақыты: 04.07.2024

Жетісудың рухани қазынасы» атты кітап көрмесін таныстырды.

2024 жылдың 2 шілдесі күні Көксу ауданында «Андас» шежіре кітабының тұсаукесері өтті. Бабалар рухымен үндесу, ұрпақтарының жүздесуі мақсатында ұйымдастырылған республикалық шарада Жетісу облысының Сәкен Сейфуллин атындағы орталық кітапханасы «Жетісудың рухани қазынасы» атты кітап көрмесін таныстырды. Жетісу тарихынан басталатын көрме 2006 – 2023 жылдар аралығында облыс әкімінің қолдауымен жарық көрген ақын-жазушылар, композиторлар мен суретшілердің еңбектері басылып шыққан кітаптардың таныстырылымымен жалғасын тапты. Көрмеге қойылған 172 кітапты кітапханашы Ерден Нұрахмет пен Наргиз Камбаева көпшілік оқырманға таныстырып өтті.
Толығырақ... Оқылды: 95 Санат: Жаңалықтар Уақыты: 02.07.2024

«Ұлт тірегі – тіл» кітап көрмесі өтті

2024 жылдың 1 шілдесінде Жетісу облысының Сәкен Сейфуллин атындағы орталық кітапханасының ұйымдастыруымен Тіл сарайында «Ұлт тірегі – тіл» атты кітап көрмесі өтті. Тіл - қай ұлтта, қай елде болса да қастерлі, құдіретті. Тіл байлығы - әрбір елдің ұлттық мақтанышы. Кітап көрмесін ұйымдастырудағы мақсат патриотизмді тәрбиелеу және өз Отанына, халқына деген мақтаныш сезімін ояту. Оқырмандардың ана тілінің қадір-қасиетін біліп, тілдің, сөздің құдіретін түсініп, оның адам өміріндегі маңызын ұғынуға үйрету. Көрмеге Анар Салқынбайдың «Тіл әлемі» атты кітабы, мектеп оқушыларына арналаған анықтамалық сөздіктер, жасөспірімдерге, жалпы оқырман қауымға арналған – «Сөз мәйегі», Шора Сарыбаевтың «Қазақ тіл білімінің мәселелері» атты кітаптар қойылды. Тіл жанашырларына арналған кітаптар және тағы да басқа мәліметтермен толықты. Шара соңында Жетісу облысы Қоғамдық даму басқармасының Тілдерді дамыту жөніндегі бөлімінің қызметкерлері өз...
Толығырақ... Оқылды: 185 Санат: Жаңалықтар Уақыты: 01.07.2024

«Кітапханаға кітап сыйла» акциясы жалғасуда!

«Кітапханаға кітап сыйла» акциясы жалғасуда! Педагог, доцент, филология ғылымдарының магистрі, ақын, фольклортанушы, зерттеуші Нұржан Дәулеткелдіұлы кітапханамыздың қорына «Қазақ фольклорының табиғаты» және «Қазақтың батырлар жыры және оның тарихи тегі» атты барлығы 4 дана кітап сыйға тарту етті. Құрметті оқырмандар, кітапханамыздың акциясына үлес қосуға шақырамыз!
Толығырақ... Оқылды: 101 Санат: Жаңалықтар Уақыты: 28.06.2024

«Жаңылтпаштар, жұмбақтар, мақал-мәтелдер» атты облыстық онлайн сайысы өтті.

27 маусым күні Жетісу облысының Сәкен Сейфуллин атындағы орталық кітапханасының ұйымдастыруымен «Балалар әдебиетімен-болашаққа» жобасы аясында «Жаңылтпаштар, жұмбақтар, мақал-мәтелдер» атты облыстық онлайн сайысы өтті. Сайыстың мақсаты мен міндеті: Жас оқырмандардың халық ауыз әдебиеті шығармасының түрлері: жұмбақ, жаңылтпаш, мақал-мәтелдермен таныстыру және халық шығармасының бұл түрлерін бір – бірінен ажырата білуі, мәнін терең ұғып, мағынасын аша білуін және ойлау қабілетін, тілін дамыту. Сайысқа 7 аудан,2 қала кітапханаларынан 9 оқырман қатысып, Сарқан аудандық Ақын Сара атындағы орта мектебінің 6 «а»сынып оқушысы Жақып Айша Юсуфқызы жылдық қорытынды байқауға жолдама алды.
Толығырақ... Оқылды: 122 Санат: Жаңалықтар Уақыты: 27.06.2024
Создано на платформе Alison CMS © 2011-2026.
Дизайн и разработка сайта от компании «Licon».
Яндекс.Метрика